Swaljawa (ukrainsce Свалява; madźarsce Szolyva; słowaksce Svaľava) je město w Zakarpatskej oblasći na zapadnej Ukrainje. Leži při rěce Latorica něhdźe połsta kilometrow wuchodnje Užhoroda při dalokodróze přez Karpaty do Lwowa kaž tež při 1887 poswjećenej železniskej čarje Mukačewo–Lwów.
Ma něhdźe 17 tysac wobydlerjow.
Sydlišćo je so w lěće 1263 k prěnjemu razej naspomniło jako Zoloa a ma wot lěta 1957 měšćanske prawa. Mjez 1918 a 1939 słušeše do Čěskosłowakskeje.